|
Young Wil Bloot Voordeel Trek' uit Getuienis |
| Publication | Beeld |
| Date | 2001-08-31 |
| Reporter | Neels Jackson |
Die getuienis van dr. Richard Young in die ondersoek na die regering se R43,8 miljard-wapentransaksie is gister deur n hoë vlootoffisier bestempel as "niks meer as n poging om kommersiële voordeel te trek nie".
Young, direkteur van die Kaapse onderneming CCII, het Dinsdag en eergister aangevoer dat hy onregmatig benadeel is toe sy onderneming nie die kontrak gekry het om die databusse vir die vloot se vier korvette te verskaf nie.
Skout-adml. (Jr. Graad) Jonny Kamerman, direkteur van korvetverkryging, het gister met getuienis begin om dič aansprake te weerlę.
Nadat hy n paar keer gesę het dat Young sekere inligting nie verstaan het nie of geïgnoreer het, het adv. Selby Baqwa, voorsitter van die verhoor-paneel, hom gevra hoe dit moontlik is aangesien Young so n intelligente man is.
Kamerman het gesę hy wil vir n oomblik sy vlootoffisiershoed afhaal en toe gesę hy glo geen woord daarvan (dat Young die proses nie verstaan het nie). Young wou net fiansiële voordeel uit die proses probeer kry.
As hy sy vlootoffisiershoed terugplaas, verstaan hy nie Young se optrede nie.
Kamerman het gesę dat die vloot in geen stadium aan Young die onderneming gegee het dat CCII die kontrak vir die databus sou kry nie. Hy het onder meer aangedui dat Young gebie het vir die kontrak in n stadium waarop hy nóú beweer hy reeds daur die vloot as die gekose kontrakteur aangewys is.
Hoewel verskeie ander ondernemings in dieselfde posisie as Young s'n was, het nie een van hulle dieselfde aansprake of beskuldigings gemaak nie, omdat hulle verstaan het dat die vloot geen onderneming teenoor hulle gedoen het nie.
Young en sy regsverteenwoordiger het die verhoor verlaat voordat Kamerman met sy getuienis begin het omdat hulle nie vandag daar kan wees nie en daarom nie kruisondervraging sal kan doen nie. Baqwa het deur n woordvoerder gesę dié optrede kan gesien word as lafhartig.
Young het vooraf insae in Kamerman se getuienis gehad en geweet wat kom, maar is nie bereid om dit te weerlę nie.
With acknowledgements to Neels Jackson and Beeld.