Johannesburg - Nóg 'n verdagte is Maandagaand in hegtenis geneem in verband met die kaping van mnr. Bheki Khumalo, woordvoerder van pres. Thabo Mbeki.

Die 27-jarige man is in Tembisa aan die Oos-Rand in 'n sjebien vasgetrek deur die Lyttelton-polisie, het insp. Anton Breedt, polisiewoordvoerder, gesê.

Hy sal na verwagting binnekort in die hof verskyn.

Twee ander verdagtes, Prince Diko en Xolile Shibambo, het vroeër vandeesmaand uit die Lyttelton-polisieselle ontsnap.

Diko het homself sowat twee weke gelede aan die polisie oorgegee en Shibambo is deur die polisie aangekeer.

Met erkenning aan Christel Raubenheimer en Die Burger.