Publication: Beeld Issued: Date: 2007-01-26 Reporter: Adriaan Basson

Wapenondersoek : ‘Dis Justisie Wat Sloer’

 

Publication 

Beeld

Date

2007-01-26

Reporter

 Adriaan Basson

Web Link

 www.news24.com/Beeld

 

Die departement van justisie is glo die groot sondaar in die gesloer om bystand aan Brittanje te verskaf met dié land se ondersoek na Suid-Afrika se omstrede wapentransaksie.

Die polisie het gister bevestig dat hulle ’n versoek van die Britse kantoor vir ernstige bedrog (SFO) sal hanteer – mits die direkteur-generaal (DG) van justisie magtiging daarvoor gee.

Die SFO ondersoek bewerings dat miljoene rande se omkoopgeld deur BAE Systems betaal is om te verseker dat Suid-Afrika dié wapenreus se Hawk-opleidingsvliegtuie koop.

BAE en die Sweedse wapenfirma SAAB het ook die Suid-Afrikaanse lugmag van 28 Gripen-vegvliegtuie voorsien.

Volgens dir. Phuti Setati, nasionale polisiewoordvoerder, het Interpol die polisie se eenheid teen ernstige ekonomiese misdrywe in Oktober verlede jaar van die SFO-versoek in kennis gestel.

Die polisie het ’n ondersoekbeampte aangewys om die SFO te help, maar kon dit nog nie doen nie omdat die Wet op Internasionale Samewerking in Strafregtelike Aangeleenthede vereis dat die DG van justisie eers só ’n versoek moet goedkeur.

“Dié magtiging is nog nie ontvang nie,” het Setati gesê.

Beeld het eergister onthul dat Skerpioene die SFO se versoek na die polisie verwys het – sewe maande nadat die SFO glo hul aansoek aan die departement van justisie gestuur het.

Volgens Setati is daar “ooreengekom dat die Suid-Afrikaanse polisiediens die versoek vir bystand sal prosesseer”.

Kenners het vroeër gesê die SFO-ondersoek, wat Suid-Afrikaanse sakelui en politici betrek, het duidelik ’n “warm patat” vir die regering geword.

Beeld se pogings om kommentaar van die departement van justisie te kry, was vrugteloos.

Daar is reeds vroeër die week skriftelike vrae aan adv. Menzi Simelane, die DG van justisie, se kantoor gerig, maar nog geen antwoord is ontvang nie.

Mnr. Lazarus Mothupi, woordvoerder van die departement, het Beeld gister na die minister van justisie se woordvoerder verwys, maar hy kon nie vir kommentaar bereik word nie.

Volgens Setati is die polisie in November verlede jaar deur ’n verteenwoordiger van die Britse ambassade ingelig dat die SFO en die Skerpioene ’n ooreenkoms bereik het.

Hierna het die polisie die departement van justisie gevra te besluit oor wie die SFO moet help.

In reaksie op ’n stelling van mnr. Hennie van Vuuren, senior navorser by die Instituut vir Sekerheidstudies (ISS), dat die Skerpioene ideaal is om die SFO by te staan, sê Setati die polisie “maak ten sterkste beswaar oor die stelling dat die Suid-Afrikaanse polisiediens nie geskik is om die versoek te hanteer nie”. Volgens hom hét die polisie die “nodige kundiges” om die SFO-versoek te hanteer.

With acknowledgements to Adriaan Basson and Beeld.


*1       Mbeki has indicated in the clearest manner possible his opposition to the British investigation.

He is clearly not going to order the relevant government departments to be overly supportive to the Brits.

He previously won the hearts and pens (actually word[rocessors) of the Joint Investigation Team, blocked SCOPA's request to include to SIU in the JIT and refused repeated calls for an independent South African investigation.

Now let's watch what happens with the British and German investigations.

The French investigation into Thomson-CSF's involvement with the corvette combat suite never went far. Mbeki had some interesting interactions with his counterpart at the relevant times. There were also unwarranted interventions by the head of the NPA and head of the DSO into the French assistance with the South African investigations.