Kaapstad. – Die Seriti-kommissie van ondersoek na die wapentransaksie het net agt voorleggings ontvang voor die verstryking van die spertyd vir indienings.

William Baloyi, die kommissie se woordvoerder, het gister aan Beeld gesê die kommissie is tevrede met die voorleggings en werk reeds deur die getuienis.

Baloyi het gesê die kommissie stel ’n lys saam van mense wat genooi sal word om voor die kommissie te verskyn.

“Die proses is drieledig. Eers is daar ’n vrywillige proses waarin belanghebbendes voorleggings kom doen. Dié proses is nou verby. Dan volg die proses waarin mense genooi word om te verskyn en dan die proses waarin mense wat weier om vrywillig te verskyn, gedagvaar word.”

Een van die grootste aktiviste teen die wapentransaksie *1, die sakeman Richard Young, het gister aan Beeld gesê hy het nie ’n voorlegging gedoen nie.

Young het gesê die reëls van die Seriti-kommissie is nie voldoende om die kommissie geloofwaardigheid te gee nie.

“Die grootste probleem met die kommissie is dat dit nie verpligtend is dat die kommissie die verslag wat hy eindelik sal opstel, uitreik nie. Dit hang net van pres. Jacob Zuma af of die verslag uitgereik sal word.”

Young was self betrokke by die aanvanklike wapentransaksie deur sy maatskappy CCII Systems, wat die tender vir die lewering van nuwe korvette aan die Suid-Afrikaanse vloot verloor het.

“Ek is advies gevra en dit het ek gegee. Maar vir my getuienis sal hulle my moet dagvaar. Vorige ondersoeke na die wapentransaksie het my teleurgestel.

“Ek kan maande lank getuienis lewer, maar dan word ek vertel daar’s nie eens sekerheid dat die finale verslag bekendgemaak sal word nie? En ek moet my eie koste betaal? Laat hulle my eerder dagvaar.”

*1      I am not really an activist against the Arms Deal per se, but against the total corruption of which it comprises.

The wrong equipment, at the wrong time, for the wrong reasons, the DIP, the NIP, the inability to support the equipment, the splodge - all to ensure that the ANC won the 1999 election with a 66% majority while the individuals who made it happen received some R5 billion between them, although probably more like R10 billion including the NIP factorisation (1999 Rands).

And it's all lead to exactly two convictions of two scapegoats, albeit both party mainstreamers, who nevertheless got out on further trumped up nonsense after serving just fractions of their sentences.

Even the whistleblowers have endured more than the scapegoats in the last 13 years.